Bidasoaren bazterrean eta Bertizko Jaurerria Natur Parkearen ondoan

Bide Berde horrek TrenTxikitoren ibilbidearen zati handi bat berreskuratu du; tren hura Elizondo eta Irun artean ibili zen, 1956ra bitartean. Gaur egun, ibilbideak, Bidasoa inguruan, baso atlantiko oparoen eta edertasun handiko herrien arteko ibilbide ahaztezina eskaintzen du; Bidasoa Nafarroan eta Euskadin barrena igarotzen den erreka labur eta bukolikoa da; eskualde osoari ematen dio izena, eta Irun eta Frantzia arteko muga ekartzen du gogora. Aipatu behar da Bide Berde hori Eurovelo 1 “Kostalde Atlantikoa” Ibilbiderako sarbidea dela Espainian, eta Plazaolaren Bide Berdean barrena segituko duela Ederbidea proiektuak sortuko duen loturari esker.

• Kokapena: Oieregi (Nafarroa) eta Behobia artean. Irun (Gipuzkoa)
• Luzera: 42 km; 34 km Nafarroan
• Zoru-mota: Hormigoia, asfaltoa eta lur trinkotua, zatiaren arabera
• Egokia, baina muga batzuekin (bideko zuloak) Sunbilla - Lesaka tartean, eta maldekin Legasa - Bertizko Jaurerria tartean
• Zerbitzuak: bizikleten alokairua
• Gomendioak:
• Eraman argiak. Tunel luzeenak argiztatuta badaude ere, beti da gomendagarria!
• Errespetatu azienden pasalekuak eta kasu eman motordun ibilgailuekin (Sunbillako zatia). Bide berdea han barna kokatutako zenbait baserriren sarbidea da